كو رس إتقان أساسيات الكروشيه للمبتدئين

الكروشيه بالنسبة إلي مش بس حرفة ! بل طريقة بعبر فيها عن نفسي , بسترخي فيها , بتصل فيها مع حالي و بفصل عن العالم الخارجي.

بدأت رحلتي مع الكروشيه من مكان بسيط , كنت أبحث عن مهارة تهدّي بالي، تشغل يدي، وتسمح لي أخلق شيء جميل من لا شيء.

مرّيت بكل الأخطاء اللي تمرّ فيها أي مبتدئة: غرز غير ثابتة، دوائر متعرّجة، باترونات تخوّف… لكن مع الوقت طوّرت أسلوبي الخاص، وبدأت أفهم الكروشيه بطريقة مختلفة: طريقة واضحة، بسيطة، وممتعة.

اليوم، أشاركك خلاصة سنوات من التجربة حتى أختصر عليكي الطريق ، وتتعلمي الكروشيه بدون إحباط ، وبدون إعادة الشغل 10 مرات.

هدفي إنك توصلي لمرحلة الإتقان… وتستمتعي بالرحلة مثل ما أنا استمتعت فيها.

الكروشيه مش صعب متل ما سمعنا أو فكرنا , من غرز بسيطة ممكن نعمل قطع كتيرة و فريدة و خصوصا إذا دمجنا أكتر من لون خيط مع بعض .

من حبي و شغفي لعالم الكروشيه و تأثيره على حياتي , قررت إني أبسطه لحتى أخلي أكبر عدد يتعلمه و يوصل للإحساس و النتيجة اللي وصلتها لأن بنظري النساء الان بحاجة أكتر من أي وقت مضى لمهارة ترجعهم لهدوءهم , يعبرو فيها عن مشاعرهم .

ما بدي بس أعلمك الكروشيه تقنيا !! بدي أعلمك تجربة شخصيه عشتها أنا قبلك مع الكروشيه .